Müəssisələrdə iş yerlərinin attestasiyası əməyin mühafizəsi tədbirlərinin təmin olunması, istehsal sanitariyası və gigiyenası vəziyyətinin müəyyən edilməsi və yaxşılaşdırılması, habelə əmək məhsuldarlığının və işin səmərəliliyinin artırılması, əməyin təşkilində ən mütərəqqi üsulların, o cümlədən yeni texnika və texnologiyanın tətbiqi məqsədi ilə həyata keçirilir.
Azərbaycan Respublikası Əmək Məcəlləsinin 64-cü maddəsinin və Azərbaycan Respublikası Nazirlər Kabinetinin 06.03.2000-ci il tarixli 38 saylı Qərarına əsasən əmək şəraitindən asılı olmayaraq işəgötürən iş yerlərinin attestasiyasının keçirilməsini təmin etməlidir. Müəssisədə mövcud olan bütün iş yerləri attestasiyadan keçməlidir.
“Baku Business Consulting” MMC-nin “Sənaye-Sanitariya Laboratoriyası” Azərbaycan Akkreditasiya Mərkəzi tərəfindən verilmiş 20.02.2018-ci il tarixli AZ 01.0292.01.18 saylı “Akkreditasiya Attestatı” əsasında qapalı və açıq sənaye sahələrində olan iş yerlərinin attestasiyasının yüksək səviyyədə və qanunvericiliyə uyğun qaydada keçirilməsini təmin edir.
Üstünlüklərimiz nədir?
Rəqiblərimizdən fərqli olaraq, biz qanunvericilik tərəfindən tələb olunan prosedur və sənədləşmələri tam həcmdə həyata keçiririk. Bunlar aşağıdakılardı:
İş yerlərinin attestasiyasına başlamazdan əvvəl tələb olunan əmrlərin, qərarların, iş cədvəlinin hazırlanmasına dəstək;
İş yerlərində təhlükəli və zərərli istehsalat amillərinin faktiki göstəricilərinin müəyyən edilməsi: 1.Fiziki 2. Kimyəvi 3.Bioloji 4.Psixofizioloji;
İş yerlərinin zədə təhlükəsziliyin qiymətləndirilməsi;
İşçilərin fərdi mühafizə vasitələri ilə təmin edilmələrinin qiymətləndirilməsi;
Attestasiya nəticəsi olaraq Tədbirlər Planının (Action Plan) hazırlanması;
İstehsalat amilləri dərəcələrinin instrumental ölçülmələri, əmək prosesinin ağırlığı və gərginliyinin müəyyən edilməsi, iş yerinin zədə təhlükəsizliyinin qiymətləndirilməsi və işçilərin fərdi mühafizə vasitələri ilə təminatının qiymətləndirilməsi üzrə müvafiq Protokolların və Tədbirlər Planının hazırlanması;
Əmək şəraiti ağır və zərərli olan işlər üçün əmək haqqının yüksək məbləğdə ödənilməsini təmin edən artımların (əmsallar) müəyyən edilməsi;
Əmək şəraitinə və əmək funksiyasının xarakterinə görə əlavə məzuniyyət hüququ verən vəzifələrin müəyyən edilməsi;
İşçilərə həftə ərzində 36 saatdan çox olmayan, qısaldılmış iş vaxtı təyin edilən vəzifələrin müəyyən edilməsi;
İşçilərə pulsuz müalicə-profilaktik yeməklərin, süd və ona bərabər tutulan məhsulların verilməsi zərurəti olan vəzifələrin müəyyən edilməsi;
Güzəştli şərtlərlə yaşa görə əmək pensiyası hüququ verən vəzifələrin müəyyən edilməsi.
Bundan əlavə olaraq, işi təhvil verdikdəndə sonra görülən işin və göstərdiyimiz xidmətin keyfiyyətinə tam cavabdehlik daşıyırıq. Sizə qalan yalnız hazırlanmış sənədlər toplusunu imzalayıb təsdiqləməkdir.